تشوفها صدفه وأنا أشوفها غير
أنا تصنعت الصدف لجل أشوفك
ما تتعب المشتاق كثر المشاوير
لا صافحت لهفه كفوفه كفوفك
لا جاك قلبي واشتياقي مسايير
أرجوك تكرم بالمحبه ضيوفك
مابي وعد خل الوعد للمقادير
لو اضمنك شلون بضمن ظروفك
غيبتك طالت يا عسى مانعك خير
ليه يطمن خوف قلبي وخوفك
ما قلت لك وقت انتظارك وش يصير
بس اكتب اسمك واتهجا حروفك
نسيان حبك لو تناسيت تذكير
أنسى حياتي لا طرت لي وصوفك
كان الجفا غلطتك وصلك معاذير
لو طال بدروب التجافي وقوفك
.
المفضلات