وصاتي لك من بعدي تموت فيها على شاني
أبيها تموت وتحيابك واظل بالذاكره مفقود
وصاتي لك تنسيها ملامح وجهي وتنساني
وتعزفها قصيدة حب على عكس الي عزفته عود
وصاتي لك تبعدها عن أشعاري وقيفاني
تراها مغرمه بالحيل ويشهد لي عدد الردود
وصاتي لك تسايرها ترى فيها من أحزاني
طلبتك لايضيق بالك طلبتك والطلب مردود
وصاتي لك تناديها حياتي عمري أزماني
انا عودتها دايم ادلعها وانا موجود
وصاتي لك تعاملها بطيبت قلب وأحساني
تراها تذرف الدمعه ودمعتها بليآ حدود
وصاتي لك تحفظها صور وأيآت قرآني
وتخبرها عن الميت رحل لايمكنه يعود
وصاتي لك ترسمها على قبري وأكفاني
ابيها لوحه تبقى على طول الزمن محدود
وصاتي لك وتشوف الضحكه بأسناني
سعيتك ياضحك هالكون طلبتك لاتصير جلمود
وصاتي لك تقهويها من دلالي وفنجاني
تراها تعشق السمراء ويكفيها دخون العود
وصاتي لك تركبها على خيلي وعلى حصاني
وربي فارسة من قلب شهادة ماهي لشهود
وصاتي لك تسفرها بلاد الشام ولبناني
ترى يحلا لها تقطف وردة من بلد الورود
وصاتي لك تراقصها على ألحان رحباني
ترى فيها عرق خاله وفيها من جنون السود
وصاتي لك تحببها في أبونوره بعد هاني
وتنسيها ندم غلطه فيها ترى انا المقصود
وصاتي لك تكرها في تاريخي وعنواني
أبيها تلعن اللحظه وتلعن كل فرح موعود
وصاتي لك تكلمها عن المجني وعن الجاني
وتخليني انا الظالم وانا من حرق الأخدود
وصاتي لك تشبهني بدم أحمر قاني
وانا هالقاتل السفاح مجرم من عصر نمرود
وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود
وصاتي لك تنسيها وصية قالها لساني
أنا اخبرك رجل موقف وانت قدها وقدود
صديقي مالقيت غيرك يعرف وشلون تنساني
أمانه ضمها بقلبك ترى (......) رحل مايعود
المفضلات