وين اروح..؟؟!!
وهالمدينه
في غيابك
ما بها أية ملامح
او وجوه
جاوبيني
شلون ما ودك أتوه
وحضنك الدافي وطن
وعيونك دروب المدينة
والزمن !.. انتي الزمن
دونك ايامي حزينة
لا الشجر تعزف على حزن الرياح
ولا الرياح تحرك اهداب الشجر
ليت عندي في سما الدنيا جناح
وطير
واحلام
وسفر
اقطع بها سهول وسفوح
:
وين اروح ؟؟
ما بقى لليل انفاس
واعيش
ولا بقى ل الصبح روح
وصدّقيني..
ما طلبت من الزمان الاشفاه
دامك انتي مولدي
ردّي الحياه
وين اروح..؟؟!!
ما بقى ل الناس ناس
ولوشكيت
وما بقى ل الوقت اذان وابوح
وصار همّي صاحبي
ان رحت عنه صاح بي
والمصيبة..
كل ما فيني تبعثر
والأمل عندي تعثّر
قبل ساعه..
عامل يلم الورق
مر من عندي و عدّى
ليه ما لم الجروح؟؟
او خذني الليله و رق
جاوبيني..
لو غدا ه النوريتعذّر..
غيابك
والصباح اللي تحريته..
بخيل
وليلي المتعب..
طويل
ووجهي الواقف على بابك
تلاشى.. و..افترق
من يحط الشمس ب يديني ..
واشوف..!!
من يشيل من الهدب
لون المسا..
ولا مايفارق عبرتي
لا صافح الحزن الكفوف
و وقتي الظالم قسى..!!
جاوبيني..
هو بقى للصبر ارض وللهنا فيني منازل..؟؟!!
دام بعدك في ضلوعي بانيٍّ الفين حاره..
بين حاره وبين حاره غيبتك وجدار عازل
وش بعد ..؟؟..حتى ف جروحي شيّد غيابك جداره
جااااااااوبيني..
يا سكوني
في مدينة صدري الحاير ..
شغب..!!
جاوبيني
يا جنوني
وزحمةالشوق
وطعوني
والجفا ..و..الصمت
وحكاية صخب
وينها ضحكة زماني
والأماني
والرصيف اللي جمعنا
واختفى
بآخر محطات العمر
وانا الذي اهديت له عمري وفا
لين العمر مني انسرق..؟؟!!
جاوبيني..
لو تكدّس كلّ حزنٍ
في عيوني
ولمّة الدمع ب جفوني
والشواطي في يديك
ويلفظ انفاس التواصل..
مركبي
وغيرك انتي ..
مايبي
لولحين بعدك غايبه
وين اروح..؟؟!!
وأي مرسىً يحتضن
قلبٍ طَموح..؟؟!!
جاوبيني..
هو من اللي
لا سمع جرحي ينادي:
)يا سواد الليل يا صوت الأرق
اطفي شموعك عن عيوني بنام
كلّ حلمٍ مرّني الليله احترق
ما بقى إلاوساويس الظلام(
ياخذ اشياءه وأنا
وتحملني اكتافه واروح؟؟!!
وقبل هذا.
.جاوبيني..
هومن اللي ينتشلني
من الغرق
ويرد لي روح..؟؟!!
:
:
المفضلات