عانيت من حال الهوى يوم السهم بالعشق داج
وعزيتها نفس ٍ من اسباب المحبه مخمله
بعت الالم برخيص وعيّا لا يكسبني الحراج
ماحدن يذوق الآآآه ويشري مثلها مستعمله
والطب شاورته ابي من حضرته وصفة علاج
لايستشم الجرح فيني ويستثير بمجمله
ماكل صبّار ٍ على جال البخت يلقى الخراج
وماكل من يسكت على ضرب الهوى بيجمّله
انا عزفت عن البكى واشعلتها احلامي سراج
قررت افرمت قصتي وماكل فيس احمّله
طبعي كذا اعاف جو الحزن وتعكير المزاج
وابيع من باع الموده ثم احقره واهمله
وان قدر الله وطحت بامواج البحر والبحر هاج
اعرف اغوصه واحترس حيثي بخيصه بمدهله
عزمت ابيع الحزن والبس في ربيع العمر تاج
عزمت اروح السوق واشري فرحتي واتأمله
ماقلتها مزحه ولااعرف للمزح درب ونهاج
لكنه الواقع حكى بالحق وجيت مصمّله
الله يبلّغني مرام ٍ لاهي ٍ عني وساج
واتوشح الورد العذي واجي بفرحي واحمله
منقوووووول
المفضلات