في عيونك شي ما اقدر أوصفه
وفي كلامك قسوة وعاطفه
تنفعل وتثور في لحظة غضب
والسكوت يصير عندك عاصفه
كل ساعه لك يا عمري شكل
وعلى كل موضوع لك ردة فعل
يا حبيبي مانا قادر يا حبيبي افهمك
حتى في كلامك ما تحكم عدل
يا حبيبي انت يا سهل وصعب
احتمال انك ما تعرف تحب
واللي سويته يا خلي معاي
احتمال يكون تمثيل ولعب
يا حبيبي انت يا كلمة عتب
يا سوالف شوق غطاها الهدب
عيبك انت يا هوى عمري وهواي
تغضب وتزعل من ادنى سبب..........
المفضلات