قلنا استقرت ما استقرت على حال
ملجوم من ضيع حياته وراها
تعب فيها من كان للنفس ميال
فتنه واحذر من رعى في حلاها
مسكين من يقطع به العم والخال
ما يحسب الخطوة اليا خطاها
ناسن تحسب العز في كثرة المال
ما هو معزة كثرته لو تباها
هو ما درا ان العمر لو طال ما طال
لا بد من يوم يوارى ثراها
العز للي طيب النفس والفال
نفسه عزيزه بالمعزة لاقاها
الله وكبر حدروها على جال
جال بها الطيب تكبد عناها
بانت وخافت و استشانك اليشال
خطو الردى يلقى وراها رداها
كم واحدن يحسب على الناس رجال
لو المراجل تنشرى ما شراها
وقتن غريب وداخل القلب غربال
اي والذي نزل تبارك وطه
المفضلات