أشره عليك وتحسب اني مجافيك
وأغيب عنك وتحسب انه تغلي
ماهو جفا ياصاحبي يوم ماجيك
مالي غيرك يابعد كل من لي
لا والذي سواك محدن يجاريك
غلاك ماخلى لغيرك محلي
أن غبت انتظر وشلون شوقي يناديك
وأن جيتني كل المشاعر تهلي
طيفك يناديني وروحي تناديك
والي يدور بخاطري ماحصل لي
لا مرضي نفسي ولا دايم أرضيك
واليوم بعد الغلا جيت كلي
شوف وين تفكيرك في خلك موديك
وأن كان به شي بخاطرك قل لي
لاصرت تعرف قيمتك عند مغليك
وأنك على عرش الخفوق متعلي
ابيك تعلن للعواذل تحديك
وأني حبيبك وانت شوقي وخلي
لاقفا خيالك حل بالقلب طاريك
مشاعري من صورتك ماتملي
وان قلت بأخذ الهوى معك واعطيك
ياشوق عودنا على طير يلي
المفضلات