السلام عليكم
طيب الله اوقاتكم يالنشاما
اخوكم سعودي سبق وزرت الاردن قبل 15 سنه وحبيت ادور المكان اللى كنت ساكنه على خرايط الجوجل وتعبت وما قدرت .
انا عارف ان هذا منتدى الترحيب والتهاني بس انا طمعان فيكم فتحملوني شوي
انا كنت ساكن بمنطقة الصويلح وكل اللى اذكره انه كان قريب من سكني مسافة 10 دقايق مشي جامع
ومسافة 5 دقايق مشي فيه مدرسة كبيرة.
ولو مشيت برضك من الحارة لاقرب شارع عمومي كبير اخذت 15-20 دقيقه مشي
هالشارع العمومي الكبير مسارين (ما اذكر اذا فيه رصيف وسطي او لا بس اغلب الظن انه فيه) والصبح عليه زحمه وحركة.
اذا وصلت الشارع هذا وكانت الحارة بظهري الشارع ينحدر من اليمين لليسار بشكل ملحوظ
لو اخذت يساري ومشيت مسافة اوصل لدوار معروف وكبير (الظاهر كان اسمه دوار الصويلح) المهم انه قبل الدوار على اليمين كان فيه مخفر او مركز جوازات والله ما اذكر بالضبط
هذا كل اللى اعرفه .. ياريت اهل الصويلح يساعدونا عشان اعرف مكاني اللى كنت ساكن فيه
لو كان هالسؤال مو في محله سامحونا
وانا سجلت بالمنتدى مخصوص من شان هالشي وان شاء الله انكم ما تخيبو ظني فيكم
تحيه مره ثانية للاردن واهله الطيبين
المفضلات