واحد ماشي مع خطيبته واخر انسجام فقالها " عارفة اية هو الحب واية الجواز؟ " قالته " لا " قالها : الحب زي النجوم الجميلة اللى في السماء " قالتله " طب والجواز؟ " قالها : " دى الحفرة اللي واحنا بنبص علي النجوم بنقع فيها.
*واحد متجوز وقاعد في البيت وبيبص كتير في عقد الزواج، مراته قالت له : بتبص في عقد الزواج ليه يا حبيبي؟ " قالها : " مش عارف يا حياتي المأذون كتب تاريخ انتهاء العقد فين.
* واحد نشر في اعلانات مبوبة : مطلوب زوجة تاني يوم جاله 100 جواب فيهم نفس الرد: تاخد بتاعتي؟؟
*واحد قاعد في أمان الله بيقرأ الجرنان، وفجأة جت مراته وضربته بغطا الحلة فوق دماغه .. طرررررخ الزوجة: " فيه ايه يا بنت الحلال؟ ليه كدا ؟؟؟" الزوجة: " ايه الورقة اللي جيت بدلتك ومكتوب عليها " سوسو"؟؟" الزوج: " يا بنت الحلال، ده اسم الحصان اللى بنشجعه في السباق" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان ، وفجأة جت مراته وضربت بغطا الحلة على رأسه الزوج: " خير يا بنت الحلال في ايه تاني؟؟" الزوجة : " حصانك علي التلفون.
* مرة واحدة قالت لجوزها " اهدي حبيبى كدة وارجع زي زمان " ، الراجل طلقها ورجع لايام العذوبية.
* مدرس رياضيات اتجوز مدرسة رياضيات خلفو ولد شبه منحرف وبنت دايره علي حل شعرها..
*واحد بيقول لمراته ... انا النهاردة عايز رومانسية في البيت .....راحت الزوجة سألت امها : يعني ايه الرومانسية ؟؟ الأم : مش عارفة بس احتياطي انقعي الرز.
* واحده وحشه بتقول لجوزهابكرة عيد ميلادي . قالها هنقف دقيقتين حداد.
* مرة واحده بتقول لجوزها " تصدق ان أنا كل يوم بحلم بيوم جوازنا " قالها " هي لسه الكوابيس دي بتجيلك؟ ".
* مرة واحد قال لصاحبه " عاوز أعمل لمراتي مفاجأة في عيد جوازنا " صاحبه قالوا هتعمل ايه؟ " قالو هوديها الصين " قالو " يا راجل في عيد جوازكوا العاشر توديها الصين، اومال في عيد جوازكوا الخمسة وعشرين هتعمل ايه؟: فقالوا " هروح اخدها ".
* مرة دكتور دخل عنبر في سراية المجانين لقي واحد بيخبط دماغه في الحيطة سأل الممرضة ماله ده ؟ قالت له : اصله كان بيحب واحدة ومتجوزهاش .. دخل العنبر الي بعده لقي واحد بيضرب نفسه بالشبشب قالها وده ماله قالتله اصل ده اللى اتجوزها؟؟
* واحد بيقول لخطيبته لما ازمرلك انزلي قالتله هو انت اشتريت سيارة قالها لأ اشتريت زومارة.
* الرجل انا عايز حاجة تهدي اعصابي يا استاذ المحامي: لكن انا محامي مش دكتور..الرجل : عارف ... ما انا عايز اطلق مراتي
الدهيني
المفضلات