غصة وألم
ودمعة حزن
اللي بيني وبينك .. حب وانظلم
حب موّتيه بيدينك
وتتباهين بموته
حب يصرخ ويناديكِ
ليما راح صوته
كل زوايا قلبي ضاقت
حتى الأماني ماتت
وانتِ ترحلين
تاه قلبي
تاه شوقي
كل شي انهدم
اللي بيني وبينك .. حب وانظلم
برحل أنا بعد
وأدري صعب القرار
بس مالي اختيار
كنت أظنك أول وآخر محطاتي
كنت أكتبك فارسة لأبياتي
بدفن حبي لك .. وجنوني
وبموّت الدموع اللي في عيوني
بدفن أشواقي
وبكتم أنفاسي
بمحي وجودك من حياتي
لأنك صرتِ هم
اللي بيني وبينك .. حب وانظلم
لحظه .. لحظه !!
لملمي بقاياكِ وبقايا ذكراكِ
اخذي سوالفنا
اخذي غناوينا
اخذي هداياكِ
وارحلي
اخذي أمانينا
اخذي أحلامنا
اخذي قلبي وياكِ
وارحلي
اخذي وعودك
اخذي وجودك
أرجوكِ يكفيني ألم
اللي بيني وبينك .. حب وانظلم
تحياتي
عطر الاماكن
المفضلات