[grade="000000 2e8b57 000000 2e8b57 000000"]ما كنت اظن قلبي يريدك
لين شفت نبض روحي يمشي بوريدك ..
يناديك خذي ايدي ..
وهاتي ايدك ..
الفرح عيدي وعيدك
يا
( ؟ )
ممكن بريدك؟
ابغي قديم اشعاري
يحتفل بجديد قصيدك ..
هذا قديمي .. علمني وشهو جديدك؟
علميني منهو غيري يقدر يكون تاج قلبك وسيدك؟
علميني منهو غيري يقدر يكون.
ابوك..امك..اخوك ..حبيبك .. عضيدك
علميني منهو غيري
يقدر يبعثرك اوراق ويعيدك؟
علميني منهو غيري يقدر يحيك ..
ومن على وجه التاريخ يرجع يبيدك؟
علميني منهو غيري تقدر تعطيه بريدك؟
يا
( ؟ )
ممكن بريدك؟
تدري ..ابي صومي ما يفطر الا على خبيزك
وثريدك ..
وأبغي نومي ما يغفى الا على صوت تغريدك
تدري ابغي اكون عصاك وخيزرانك وجريدك
وابغي اكون ماسك ونحاسك وحديدك
وابغي اكون حيك وميتك وفقيدك
وابغي اكون كبيرك وصغيرك وحفيدك
وابغي اكون حرك وكيفك وعنيدك
وابغي اكون نديمك وقريبك وبعيدك
وابغي اكون اهك وأفك وتنهيدك
وأبغي اكون كل شي ..وأي شي ..
ما ينقصك ..لكن يزيدك
وابغي اكون كل شي .. وأي شي ..
ما يضرك لكنه يفيدك
الصراحة
ما عندي مانع اكون سيدك وحبيبك .
ها شرايك الحين ..؟ ممكن بريدك ؟
تسألي وشهي عليك حدود خوفي ؟؟
طيب شوفي ..
خايف عليك وأنت ماشي في بستان ..
خايف حزتها من الورد لا يجرح الرمان؟
شوفي وشهي عليك حدود خوفي ..
خايف عليك وأنت بين اصحابك فرحان وتضحك
خايفه يمر طيفي على بالك
وتتذكر احلى سنين ..
وتدمع ..
تصدق بديت ادمع
صحيح ان الفراق يوجع ..
شوفي وشهي عليك حدود خوفي ..
خايفه من شي يسمونه
السهر يعرف طريقه لعيونك
وخايف من شي يسمونه
القهر يوصل لأعلى من متونك
وخايف من شي يسمونه
الغدر احصله مخشوش من ورى ضحكة اسنانك
وخايف من شي يسمونه
الهجر يجيه يوم ويصير من دونك
وانا كلي من دونك
وحبي اكيد من دونك
وعشقي
وشوقي
وعمري
وسنيني
وجرحي
وحزني
يقسمون بالله العظيم
انهم يبونك
انهم يفدونك
انهم يخلونك نايم ويباتون ليلهم يحرسونك
يا
( ؟ )
ممكن بريدك؟
ابغي اكتب رسايل ما بعد كتبت
وابغي ارسم جدايل ما بعد رسمت
وابغي انحت هوايل ما بعد نحتت
في جوف السما
وبعيون الغرام
وبصوت الدمى
يمر احلى كلام
ولا هو حرام
لو كان المكتوب
اشواق وسلام
يا
( ؟ )
ممكن بريدك؟[/grade]
المفضلات