هذه القصيده من روائع الشاعر محمد بن مريبد العازمي
وأعجبتني جدا فأحببت وضعها بين أيديكم علها تلقى أعجابكم
مودتي
شبيت من راس الفتيـل القناديـل
وذبحت في ميلاد شعـري تميمـه
شاعر وامثل لابتي خيـر تمثيـل
شعرن جديده يفتخـر فـي قديمـه
ابقى على حلـم الليـال المقابيـل
تدفعنـي النخـوه وقـو العزيمـه
ما اقول انا نجيب والا احمد زويل
اهل العقـول الراجحـه والحكيمـه
لكن نحاول نرتقي جيل عن جيـل
واكبر فخر إنا مـن امـه عظيمـه
ايامنـا ذل وهــوان وغرابـيـل
تهدم قيم والجهل مسـرح جريمـه
واعلامنا غـزو عقائـد وتظليـل
قنـاة تمثيـل وصحافـه عقيمـه
والشعر فصل حال الايـام تفصيـل
وجسد معانـاة الشعـوب الأليمـه
واصدق لساني حلل الوضع تحليـل
احساس شاعر نابع(ن) من صميمه
وانا ليا تغربت من غيـر تأويـل
ارضي طموحي وافهمي يا فهيمـه
انا ادري انه غرك القـال والقيـل
وكثرت عليك علوم راع النميمـه
لكن ترى ماعاد لي للصبـر حيـل
ولا عدت اطيق المهزله والظليمـه
صحيح اجابه صدمة الوقت وآشيل
والصبر مفتاح الفـرج والغنيمـه
واحـاول ادور للأعـذار تعلـيـل
واقول ما ينسـى نديمـي نديمـه
لك بين ريضان الحنايـا مداهيـل
ولك بالحشى حشمه وشيمه وقيمه
خوذي كلام اللي ليا قال ما يميـل
وخلي كلام اهل العقـول السقيمـه
يا وردت(ن) مالت على ضفة النيل
يهبهـا ريـح العبيـر ونسيـمـه
انا احتدملك وانثني واسرج الخيـل
واعنلـك واكـرب شـداد ريمـه
ثلثين ليل وثلث باقي مـن الليـل
بعد القطيف وقبل مفـرق رحيمـه
ترسل وانا مانيب يـم المراسيـل
الوضع سـيء والنوايـا مقيمـه
رسايلك توحي بقطـع المواصيـل
الله يبيـح اللـي رعـاك ويديمـه
ماهو كذا تقفـي وذودي مباهيـل
وتهل دمعك مثـل دمـع اليتيمـه
جرحتني توك وانا جرحـي محيـل
وهزمتني وانا ماعـرف الهزيمـه
وانا من احفاد الرجـال المشاكـل
بني عطا أهل الصفـات الكريمـه
إليا حدرنا وادي(ن) ضاربه سيـل
وإليا تسندنـا جبـال(ن) مريمـه
والمرجله لوهي ورا الجدي وسهيل
نسعالهـا سعـي الغريـم لغريمـه
فهمتنـي والا تبـي ندبـل الكيـل
نصيحتـي خـل العلاقـه حميمـه
لا تحسبن دمعـي يبـل المناديـل
لا واللذي منعـم عليـك بنعيمـه
إن رحت عني جعل دربك تساهيـل
وإن جيتني غالي وقدر وحشيمـه
طبعي كذا ماركض خلاف الاقاويـل
وحسيبنا محيي العظـام الرميمـه
وسلامتكم
المفضلات