يا ويل حالي يمه يوم غبتي عن العين ** في غيبتك يمه شفت الهوايل
آه يا يمه لو عن حالتي تدرين **يا يمه أنا عقبك شفت نجوم القوايل
ياليت يمه لو يوم عليّه تطلين ** وتمسحين دمعاً على خدي همايل
وتشوفين غدر الزمن فيّه بين يومين ** غدر فيني الزمن يمه بليا دلايل
بغدره حكم علي والكل عني مقفين ** مدري جفا يمه وإلا عن الحق زايل
عن حالتي ما يكفي تعبيراً بالدواوين ** من حالتي كني على جمر الملايل
ما غيرك يمه اللي عليّه تحنين ** ما غيرك يمه تحمل دقها والجلايل
أنتي اللي عن الهوى ليّه تذرين ** وبيني وبين الشمس تحطين الظلايل
ما أقوم وأقعد يمه إلا عليّه تسمين ** وتدعين بآما ثور الدعاء وعلى الله الوكايل
يمه يا ليت بس لو ليله تردين ** من غيرك يمه اللي للحمل شايل
عسى لك بروض الجنة ورود وبساتين ** وعسى غصون الجنة عليها يارب مايل
المفضلات