الا يامدور راحت البال بعـد الضيـق
بوصيك واسمع في وصاتي وطبقهـا
تغانم حياتك من قبل لايجـف الريـق
وطاعة ولي الكـون بالفعـل حققهـا
وحافظ على خمس الفرايض بلا تفريق
ودور مداخيـل الشياطيـن وأغلقهـا
تحلق بك الأفراح في عالمـك تحليـق
وتنسـا همـومٍ كـان ودك تفارقهـا
ترى طاعة الله مصدر الرزق والتوفيق
وكل الخلايق رزقهـا عنـد خالقهـا
وسنة نبي الحق يلـزم لهـا تطبيـق
ويعنا بها من كلمـة الحـق ينطقهـا
وانابأنصح المهموم ومدور الترويـق
علاقتك مـع رب المخاليـق وثقهـا
ولاتتبع اهل الفسق من شلة التصفيـق
وصادق رجالٍ ماندم مـن يصادقهـا
تعمق علوم الطيب في داخلك تعميـق
ونفسك من احبال الشياطيـن تعتقهـا
وانا كل مابرقت في وضعنـا تبريـق
اشوف الأمور وتتضح لـي حقايقهـا
قلوب البشر تقسا ويلزم لهـا ترقيـق
وقرأن رب الكـون بأمـره يرققهـا
سبايب أذنوبٍ طوقت بالبشر تطويـق
بضاعه بسوق ابليس يعرف يسوقهـا
ترى من توحل فالمعاصي لزوم ايفيق
قبل مايعم الحـزن نفسـه ويغرقهـا
نصيحه عسا لاقلتهـا للجميـع اتليـق
وبأدعي عسا توفيـق ربـي يرافقهـا
مما راق لي
المفضلات