+:+: ليت لي قلبين :+:+
[IMG]http://nuha2008.***********/photos/531563_l.jpg[/IMG]
المحك بين الدفاتر والصور
واستعيدك كنك بجنبي هنه
واسهر ولاجلك تعلمت السهر
والتحف همسك وتاخذني سنه
والتقي بك حلم ماوده يمر
دونما قلبي بحسنك تفتنه
آه لوتدري الغلا لك وش كثر
لو خفيته عنك عيني تعلنه
لك جمعت احساسي طيور وزهر
ولك كتبت قصيدي واحسنه
ولك نثر الود في دربك عطر
وان بغيت العمر لجلك ارهنه
لو بقول اشتقت لك كيف اعتذر
وصورتك تسكن جميع الامكنه
مايهم ان كان يمضي بي العمر
دامك الايام وفصول السنه
ليت لي قلبين يا اغلى البشر
قلب احبك به وقلب تسكنه
رد مع اقتباس
المفضلات