السلام عليكم
قصيدة تشرح ما بداخلها ... رغم قصورها عن ما اردتّه .
لو يوزن الاحساس بالعقل والدين
======= = ماكان بعض الناس ضيّع شبابه
ما يدري بحجم الخطا غير بعدين
======== إن كان ما خطّاف الأنفس غدابه
وإن كان باقي من شقا عمره سنين
=========== لازم يقفّل قبل يرحل حسابه
ما ترفع اعماله وفي ذمّته دَين
========= ويشوف ميزة عودته من ذهابه
كانت تمرجح به كفوف الموازين
========== واختار في غيبة ضميره غيابه
لو كان ما يدري رحيله على وين
========= = شد الرحال و راس ماله ثيابه
مع ثلّةٍ ما تحتويها عناوين
=========== تجمّعوا باسم الطفش والكآبه
وهناك خاضوا في الحجج والبراهين
========== وتفرّدوا بالعلم في وسط غابه!
والحق له منزل على الراس والعين
========== = ولا يخفّى عن عيون الرقابه
لكنّهم بالحق ماهمّ بدارين
=========== وعادوا بلدهم واستحلّوا صوابه
بالحلم اخذناهم وقلنا لهم ( زين )
============= توبوا وهذا العفو مفتوح بابه
وصاروا مثل مستبدل الزين بالشين
============= وقاموا بثورات الفتن والحرابه
واعذر بلدنا في مساعيه باللين
============= والله على اللي ما يوفّي نصابه
شعب وحكومه ، صف ماهوب صفين
=============== مافيه حزبيه ولا به عصابه
حنا بدين الله وبالحكم راضين
================= الدين يجمعنا وحنا قرابه
لو تجتمع كل القوى يالمساكين
============= بوجيهنا ،، ما زادنا إلا صلابه
أما محقناكم بسيفٍ بحدين
============== وإلا بدعوة مسلمٍ .. مستجابه
وسلامة الوطن ... وسلامتكم
رد مع اقتباس
المفضلات