من ابداعات المبدع حامد زيد حبيت انتقيها لذواقي الشعر النبطي :
ياشعر تبقى في عيوني كحيلان
وبنظرتي تسوى عيال القبايل
حنا الأثنين أخوان وأكثر من أخوان
لو ما أجتمعنا بالنسب والسلايل
لو نختلف بأسماء وعروق وأوطان
يبقى التشابه بيننا بالخصايل
وانا اليا نويت أكسب انسان اسعى له بكل السبل الوسايل
اعرف كيف ارد الأحسان بالأحسان
وكيف احصد بذور الفضايل فضايل
عايش زمن عاصرت به كل الأزمان
ما أعيل بس انطح ثمانين عايل
أكسب عدو واحرق به أقلوب عدوان
أشعل فتيله بس اطفي فتايل
ان خفت ضعف اخاف ضعف الأيمان
وأن عفت حمل أعاف الجمايل
ما أضمى على الساحل لومت غرقان
لو مركبي تابوت والموج هايل
أغرق شهيد أرحم من اموت عطشان
طيحة شموخ ولا وقوف متمايل
ودك اليا من جيت في كل ميدان
لو منت الأول بالصفوف الأوايل
خلك اليا عودت خسران خسران
ينقال عنك عامل.ن. لك عمايل
لاصرت تحلم احلم تكون سلطان
وأن جيت تقنع أقنع بحلم زايل
الوقت غربة واخر الدرب عدوان
والعمر رحلة والتجارب رحايل
وانا كثر مالي من الناس خلان
اللي صفو لي بالشدايد قلايل
وأن عشعش بصدري من الوقت شيطان
وتسددت دوني جميع الوسايل
بلقى من عيال الحمايل كحيلان
الي يكفي عن عيال الحمايل
مرآت ربك يرزقك خوة أنسان
واحد ويسوى في عيونك قبايل
المفضلات