بنت الحمايل.
ياشينها لاشفت بنت الحمايل= ترخي هدبها والسبب زلة احساس
لا والمصيبه والعجب والهوايل!!!= لاشفتها تمشي وهي توطّي الراس
المهره اللي خلفتها الاصايل = قامت تردى من سهم عين قرناس
العام الاول في غنجها تمايل= وهذي السنه طاحت ع سيف جساس
دام المحبه ماتهاب القبايل!؟؟؟= راسً تكسّر من سبب قوة الفاس
تخاف ربي ماتهاب النثايل= حبً يتيمً مابنيته على ساس
لاتبكي الذكرى وش انت قايل؟! = دام الشرف حبراّ ع بيض قرطاس
ناقف كما تاقف روس الطوايل = هرج العواذل ريح ماخلفت بآس
ارجوك يادمعً ع الخد سايل؟,,= لاتجرح الخدين ترى الورد حساس
ياقلبي اللي شال همّه وشايل = كاسً شربته من يميني ورى كأس
لاتهدم اللي بالليالي لوايل= قصراً بنيته من حجر حب للمآس
حبً دفنته في ضميري دلايل= وانته فلا تدري عن اجمار لنفاس
يومً تولع زاد حرّ الملايل= ويومّ تجمّر واصدق اشواق تنداس
ليته يرمّد واعترف بالجمايل= وانثر بقايا الآلم مع كل نسناس
لو يجهل بحبه وفيها زلايل = ممنوع ياحبه على القلب حرّاس
رد مع اقتباس
المفضلات