امطرت غيمات هجرك فوق ربوات الوصال...هبهبت ريح الغياب ودمرت روضة غلانا
تقطع زهور المحبه من بعد ذاك الجمال...وتنبت اشواك التعاسه لينها ادمت هوانا
يا حسافه يا حسافه وينها ذيك الليال......انطفى نجم السعاده وظلمت قمرا سمانا
ليت هبات العواصف ذرة بعيني رمال...من قبل عيني تشوفك خير من شوفك عمانا
ادمح الزله واكابر وافسح لعذرك مجال...طيحت تاج المحبه من عقب ماهو علانا
ما أريدك ما أريدك إنكشف لعب العيال...اشرقت شمس الحقيقه فوق ظلمت من بلانا
خلني باقي حياتي مسكني روس الطوال...انثر الذكرى قصايد حبرها دمعن كوانا .
____
مع تحياتي : ابو اسراء
رد مع اقتباس
المفضلات