الله اكبر كيف شخص زارع(ن) ورد ونساه......كيف يترك وردة(ن) فتانه بمجرى الرياح
والله اكبر كيف يترك زهر(ن) بليا مياه......والله اكبر ما يطير الطير مكسور الجناح
كيف يقتل من بحبه علمه طعم الحياه......يطعن الصدر الحنون الي يظمه بالرماح
اغرق بظلمه حبيب(ن) لبسه طوق النجاه......واهدى للي ظمده كثر المصايب والجراح
والعجيب ان المتيم يدعي بوقت الصلاه ....... كل ركعه وكل سجده بالهدايه والصلاح
للذي اجرى دموعه والذي سبب شقاه......يبكي ويدعيله الله كل ليله لصباح
وش جرى حتى حبيب(ن) يبخل بظحكت شفاه......لي متى يصبر خليله لي متى ليله نواح
لي متى يصبر وصبره والحزن جاوز مداه......لي متى يصفح خفوق(ن) اتعبه كثر السماح .
المفضلات