دار ويــن اللـي أحبــه و أداريه ... ويـن الذي تحيـا حياتـي بشوفه
ويـن الـذي يـا دار قلبـــي يسلّيه ... عقبـــه غــدت يـا دار ليـّـام عوفه
محـدن لفانـي الخبـر جـاب طاريه ... عييت كثر أسأل و نفسي شغوفه
بين الرجا و الياس أوقف و أناديه ... عل و عسى ياخذ فوادي بروفه
مشتاق له بالحيل يا دار وأفديه ... لو مرتن في العمر تسمح ضروفه
ودّي أحطّه في عيوني و أغطّيه ... ودّي أترجم نبض قلبي حروفه
ما يعيضني في دنيتي غالين فيه ... لو هالزمن حكّم و جارت صروفه
أصبر و صبري عذبتني لياليه ... أبكي على وقتن مضى بالحسوفه
للوقت بسمه و بسمتي يوم ألاقيه ... لو في ديار بعيـد ودي ألوفه
من ما جرى لي يكفي اليوم أبكيه ... و إن جارت الأقدار قبري يطوفه
بقلم قناص البتراء
المفضلات