السلااام عليكم ورحمة الله وبركاته
هذي القصيده حبيت انزلها لكم
لانها من شخص غالي عليه
وهذي من اجمل القصائد التي سمعتها من عمي
الشاعر المعروف محمد بن حوقان المالكي
اجمل بنات الجيل
انا اللي توهتني خطوتي واظلم علىّ الليل
مثل ضيف حمل سيفه ومال على معازيبه
غدا مثل ابدوي حط بيته في طريق السيل
تباعد رحمــة الله والغرور اكبــر عذاريبــــه
سجع طير الغرام وضج صوت الناس بالتهليل
وانا في واديٍِ يعزف على صمتي عواذيـــبه
على مزن الغيوم اللي تبللها غصون الهـــيل
وقف صقر تــدلا برقعــه وادمـــى مخاليبـــه
تعبت اسمي الفرقا تواصل والقدوم رحيـــل
تعبت ارحل بجرحي واستره والناس تدريــبه
طفح كيل الغرور ولابقى لي غير بعض الكيل
تغليت وتكابـــرت الغلا وابطــيت اغنـــي به
توشحت العفاف ولاخـــدعني كل طرف كحيل
خذيت بشور ابوي اللي يقول ان الهوى ريـــبة
تمنيت النجوم ولارضــــيت الاجــــوار سهيـــل
طلبت المجد حتى وارتقــــيت اعلـــى مراقيبه
على قول البدو ماللرجال الاظهــــــور الخــــيل
ولاينعــــاب فالعــــــــدّ القــــراح الاحثــــاريـبه
كسبت المعركة والخيل ترسل حمحمة وصهيل
كتبت على الهزيمة نصر وابواب الفشل خيبــة
يقولون اهل مصر يكذّب الغطاس ماى النيـــــل
ومن كثرة عيوبه تنكــشف للــــناس الاعيبــــه
يحق لواحد مثلي يحب اجمــــل بنـــات الجيـــل
اذا شاف الرماح مدرهمه يفــــــتح لها جيــــبه
عشقت جنونها وفــــنونها وعـــــيونها بالحيــــل
مثل مايعشق الطفـــل الصغـير اجمل تلابـــيبه
ذبحني صوتها وانا خجــول ومرتبـــــك وحليـــــل
رسمت على ملامح صوتي الاحــزان والهــــيبه
بدايتها تعب والعاشــــق اعمى والزمــــان بخيــل
نهايتها مواجع توقــض النائــــــــــم وتسريبـــــــه
امانة يانخــــــيل الوادي اللي كل ابـــوه نخيـــــــل
اذا مرّك حبيبي تاخذين شــــــوي من طيـــــــــبه
وقولي كلمة في خاطري ماهي مـــثل ماقــــــيل
بعــــــد ماقلـــــتها ياغايـــة القـــلب ومطاليــــبه
احبـــه ثم احــــبه ثم احــــبه ثم احــــبه حـــــــيل
كثر ماحب قيــس ابن المـــــلوح كثـــــر تعذيـــــبه
انشاء الله تنال اعجابكم
ليـت الدمووع السايله تحرق العين&*&*&* وش فايدة عيني وهي ماتشوفك
المفضلات