اشين نهاية للطريق المودّي
إليا انتهابك عند بيبان الآنذال
اتحدّك اظروف الزّمان المعدّي
اللي ترك للجرح داخلك مدهال
اقبل وقلبك ما اعتراه التصدّي
خالي هموم ورايق الفكر والبال
واقفى وحالك منسقم وامتردّي
صدرك يفوح وضيفته تازن اجبال
وقتٍ يدور بعجلته ما يهدّي
في دورته يتبدّل الحال بالحال
قد جنّدل اللي قال : مافيه قدّي
فرعون واللي غرَه القصر والمال
وشيَب رجالٍ يكسبون التحدّي
قطَاعة الفرجة شغاميم الآجيال
وقفاتهم عند اللّوازم تسدّي
( رجّالهم يسوى ثمانين رجّال )
ولحدٍ على الدّنيا خلد يا معدّي
كل البشر فاني : هداريس وابطال
خذ العبر من موت جدّك وجدّي
راحوا ولا خلّو لنا غير الآطلال
وانا لو ادموعي جرت فوق خدّي
ماراح تحييهم وسيف القدر حال
وهوج الرّياح اللي جرت عكس ودّي
جرّيت معها يابيض الوجه موّال
وابشّرك صابر ولا انباح سدّي
متقهويٍ من دلّة الصبر فنجال
حتّى لو انّ اظروف الآيام ضدّي
إلكل عقدة مثل ماقيل حلّال
ان عشت ما اكل غير من كسب يدّي
وان مّت اخير امن المهونة والاذلال
زالي على درب الثبات امتقدّي
من خلقتي يا معرَب العمّ والخال
هزاع العتيبي
المفضلات