الأول:-
يامن يخبرني عن ثلاث رجاجيل
متشابهين كلهم بالأسامي
واحد قوين في المهمات حلحيل
واحد يجي بين اللحم والعظامي واحد يحبونه رجالن مشاكيل
دايم يقدم للرجال الحشامي؟
الثاني:-
طفله صغيرة عمرها سبعة أعوام
تاقف بعز القيض
~ ترعى غنمها ~
مابقافيهاسوا جلدواعظام
والطول طول اللي
0وسط من غنمها0
تمشي بحروشوك
والناس نيام
من كثرظرب الشوك تنزف قدمها !!
_الثالث:-
انشدك عن رجل مقيد ومربوط
وصيف العرب عنده يوافق ربيعه
اسمه يدل انه مع الناس مبصوط
وهو الذي يمشي بعكس الطبيعه؟
الرابع:-
انشدك عن بنت من عرفها ضمها
واللي جهلها يافتى ماهمته
تجيك بالاخبار لاسيرت على أمها
لها أربع عيال مافيهم اللي سمته
والبنت لانت أبوها ولانت بعمها
أخذتها من شايب نصف العرب بذمته
الخامس:-
انشدك عن ذودين عفر و
مجاهيم-فيهن قعيدتهن وفيهن فحلهن-يوردن اربع عدودن بتنظيم-واللي يوردهن لعده كسبهن-ترى ثمن العفريفوق المجاهيم-واماقعيدتهن تفوق بثمنهن
السادس:-
انشدعن ورع يغطى
بقبره
يدفن ولاتوضع عليه
النصايب
غطاه رجل فيه حنكه
وخبره
وإن هانه المخلوق
شاف الغرايب
السابع:-
أنشدك عن جملة رجال
لهم شأن عظيم :
يقودهم ورع مقرة
شمال القايمه :
أربعه يم المدينه..
وسته في القصيم..
والوحيد اللي بقى في ربوع العاصمه
وثنين يم البحر الاحمر ومثواهم قديم
والحسا فيها ثلاثه ودايم دايمه؟
الثامن:-
تسحب ردايفها حشا تسحب الموت
في ذمتي بالموت جرت خطاها...!
أم الشطـــايا المـــلس
خدرانة الصوت
اللي نهــار البــرد
يدفي حشاها؟
إليا مشــت تاطـا على رتب وبــشوت
واليا وقفت أشناب تاقف وراها
التاسع:-
بنت لهازوج يحب الرجاجيل
وإذا بغى دخل عليها صديقه..
كثيرمن يمسي مع البنت بالليل
وفي النهارالبنت تصبح عشيقه..الشرع سامحها بفتوى وتحليل..
_والبيت كلن صار يعرف طريقه..
العاشر:-
انشد ك عن رجال
با الأيات مذكور
عصر التطورشل حيله
وعاقه
وسط البراري عاش
ويعيش في بحور
يكره قربك وأنت تكره فراقه
الحادي عشر:-
أنشدك عن غالي وتكره
أتشوفه
غالي كريم أوحرمه دين الاسلام
فيهم بنات ساكنات بجوفه
فيهم غذا للروح راحه للجسام
الثاني عشر:-
يالحرالاشقر وش ثلاث لهن عين.. ثلاث روسن بينهن راس شايب. طافن حرم مكه وشدن هل الدين.وولن هجيج وكنهن الركايب . رمن كعوب جلودهن في فلسطين هن اذنبن والعودمن الذنب تايب
الثالث عشر:-
ياويش غايب حاكمينه بالاعدام؟
ذكاه حطم دوله مستقله. لازال تلقاه العرب بعض الأيام.
مات الحكم والمتهم في محله.
لا مسلم عاقل لاعابد أصنام
ياهون حل اللغز ياصعب حله؟
الرابع عشر:-
ألا ياشيب عيني شيبتني صورة قبل أمس .. تروع من نظرها شقلبانيه .. قوايمها ثمان واربع أنفس والجماجم خمس .. واصابعها ضبطت إحسابها والينها ميه ... !
الخامس عشر:-
اباانشد اللي رايهم يقطع الشك @ وليا عطوك الراي يزول شكه @ يا ويش رجل حامل بالوطن صك @ من خلقته ماشيف ولاشيف صكه @ عنده سجينن طال سجنه ولافك @ ولوتجتمع كل البشرماتفكه @أريد ا
السادس عشر:-
انشدك عن رجال غايب وموجود.
قوي ولاهو على الله يقوى..
عقيم وماله مع الحي مولود.
لابو آدم ولا الأم حوى
قبل النبي صالح وبعد النبي هود
سوى سواة بالبشر ماتسوى؟
السابع عشر:-
ياويـــــــــــــــــــــ ش ورعآ في حشى أمه تتله
ومع تلته يبدي لك اللي به اللاش
غليمآنفسه كريهه وعله
مادام ماسترن بناته مايناش
يبى خبيرفاهم به يفله
وألاأنت لافليته أصبح على ماش ........!
الثامن عشر:-
ويش رجل لايشيب ولا يجيب
وإن ظهرلناس تلقى أخته معاه
لايذوق الماء ولا يشرب حليب
مخفي وجهه ويظهرلك قفاه
وإن توفى شفت وجهه من قريب
وإن لمسته عودت فيه الحياه
التاسع عشر:-
انشدك عن جنيه تمشي على مسمار.
تحب اهل العقول وكل جاهل مايدانيها.
ان ذكيتها تمشي وإن خليتها تحتار.
ويقصر عمرها ياصاحبي بيدين راعيها.
قلادتها ذهب وأما ملابسها من الأشجار.
لها طاقية بيضاء تخفي خط رجليها.
العشرين:-
ياعارف الأمثال بنشدك لاهنت
بنشدك عن ثنتين قيستهنه
بنشدك عن بنت تركب على بنت
خدعه لواحد ودهن يمسكنه
وحده تقول انا بعينه تزينت
طماع يحسبني على حد ظنه
وحده تقول انا مسكته ولاخنت
لوكان مسكي له على غير سنه
الحادي والعشرين:-
انشدك ورعا خواله رخيصين
بالمشترا والبيع بخسا ثمنهم
هو الوحيد اللي يساوي ملايين
قلي وش اللي زوده فرق عنهم
اما ان عام الفين ناسا مجانين
وإلا ان بالمذكور سر فتنهم؟ نبغا الحل غير معروف
الثاني والعشرين:-
انشدك عن حاجه تبين
نواياك
لوكان لك نية بينتها
يعرفك فيها من نطحك
وتقفاك
وخاصه ليا احدى يديك
أمسكتها
واكثرمايمسكها من
يديك يسراك
أما ارفعتها فوق وألا احدرتها
الثالث والعشرين:-
بنشدك عن خمس من
الكائن الحي
والكل منهن بنتها في
ظهرها
تعمل عمل خير وتعمل
عمل سي
في خدمة المامور ربي
امرها
اقرب من المخلوق لزاد
والمي
ودايم سلامتها تهدد خطرها
الرابع والعشرين:-
ويش العقيد اللي غزاله على قوم . وكسب ثلاث نياق ماهي ولايف . متخالفات اعمار والوان ووسوم .حلال قوم يفرقون الطوايف . مضى سنه من شانهن كنها يوم . وبعد كسبهن مابقاله حسايف .
المفضلات