وين الرفيق الي من العام غايب
ما شافته عيني ولا اوحيت طاريه
انشد عن اخباره بعيد وقرايب
ودي بعد طول المفارق نلاقيه
هي ما مضى عنها تهيمه يا غايب
لا ابطى يحاكيني ولا ابطيت احاكيه
اقفى ولا ادري وش تكون السبايب
روّح وخلاني على الدرب اناديه
يمكن جفا ولا اشغلوه الحبايب
يمكن ويمكن ناسي حبي وطاويه
هذا الزمان تشوف فيه العجايب
فرق كبير بحاضره جمب ماضيه
علاقتن تذري عليها الهبايب
زادت مع الايام فيها المشاريه
ما اقول الا راعي القول صايب
من عّين احبابه نسى من يخاويه
الشاعر عبد الله المرشدي ( رفيق المطاريش )
المفضلات