[IMG]http://elourak.***********/%D8%B9%D9%8A%D9%88%D9%86.bmp[/IMG]
انا عيوني حرمـت غيـرك تشـوف
والقلب حـرم غيـرك يحـب ثانـي
كف الدموع وابعد الشك والخـوف
القلب لك يابعـد عمـري موانـي
دخيل قلبك سو بي عـاد معـروف
لاتـذرف دموعـك تبعثـر كيانـي
اضحك انا لضحكتك مشتاق ملهوف
يامن غرامك عـن زمانـي خذانـي
ويا من بحبه صرت مغرم ومشغـوف
لله درك ويـن حـبـك رمـانـي
ماقول لك بالروف ماقول بالـروف
اقول زدني مـن الهـوى ماكفانـي
انت الوحيد اللي على القلب مألوف
وانت الذي اسقيـه صافـي حنانـي
في وسط قلبي يالغلا ادخل وطـوف
انـا بحـبـك ياحبيـبـي انـانـي
لني عطيتك في الهوى عهد وحلـوف
واعطيك قلبي فوق عهدي ضمانـي
وياخل غيرك حرمت عيني تشـوف
والقلب غيرك حـرم يحـب ثانـي
دمتم بخير
المفضلات