لجل الاردن
شعر محمود الضوات
هيه يا شيطان شعري هيه يا ابن الوهر
صاحبك ناخيك تاتي من تدنى مستواه
جيبها بين المشاعرجيبها قبل الفجر
جيبها الله عليك اتجيبها قبل الصلاة
خابرك لامن نخيتك جيتني مثل المطر
جيتني خلفك جيوش من المجانين العتاة
تطبخ الفكرة الجريئة وتعصر دماغي عصر
وجيشك اللي تحت امرك ادري ما وده وصاه
لجل ابو حسين الابي ابن الابي ذاك القمر
انسج حروف القصيدة خلها تاصل سماه
نوخ اركاب المشاعر ع الورق مثل الدرر
خابر حمولك ثقيله كلها قيمة وحلاة
والقصيدة لجل الاردن بس محصورة حصر
بثها من مادبا ومشفرة لكل اتجاه
كان حبي للوطن اكبر جريمة ذا فخر
افتخر في حب الاردن واعشق ترابه وهواه
وقلبي في حب المليك الهاشمي عوده خضر
لا احترق عطره تبخر عطر الجو ابشذاه
وادري ان العود الاخضر لا احترق فاح العطر
والجمر بين المحاني تفهده مليون اه
والملك عبد الله اعظم ما رأت عيني بشر
يكفي انه في مداره يدور واثق من خطاه
والنجوم اتدور حوله وحوله اتدور وتمر
والكواكب من عيونه تاخذ النور بلقاه
ليت ربي يكون عونه ع العدو لحظة خطر
يا عسى ربي يعينه يا عساه يا عساه
بس خوفي يا هجوسي اتجيب لي مرة الدور
وارتمي جو السجون المقفلة مثل القضاة
وابقى في سجن الموقر ولا في صحرا الجفر
والخطا ماهو ابخطايا والخطا غيري خطاه
ماني بأحمد نجاد وماني بمحمد عمر
ولاني قد اللي تغول ع المواطن وانسباه
ولاني بخالد شاهين اللي معه سربة دبر
طار من عقب انحباسه والدبر باقي هناه
يعني في حكم المؤكد كان مسنود الظهر
والحكومة وهي حكومة غولها فصل عباة
والسفر لاجل العلاج بأرض لندن له عذر
دام هامور الفساد بهالزمن داعم قفاه
يا بحر يا يا بحر يا يا بحريا يا بحر
اه اه اه اه اه اه اه اه
النهر لا فاض همه راح يبكي ع الصخر
والدموع اللي بعيونه سالت بكل اتجاه
والبحر كفكف دموعه قبله فوق الثغر
قبلة المشتاق لامن قبل ضفاف الشفاه
فاخت جروخ المشاعر ما قوينا ع الصبر
ما قوينا ع الدجاج وما قوينا ع الشياه
هو وهن ام ضيق حال ن ام غزا الشيب الشعر
ام ظهر ام الفقير من الطفر زاد انحناه
شاخت وجوه الطفولة والعظم صابه نخر
والعظم ما عاد يقوى ع الجسد بعد التواه
والحيايا والعقارب فاعت بأرض البشر
خربت كل الروابي لوثت حتى المياه
والهواء اللي نشمه مابعد يكفي الشجر
ماتت الضحكة يا سيدي فوق آهات الشفاة
والهوامير الكبيرة لعبت بعرض البحر
والكتاكيت الصغيرة قوتها الثعلب كلاه
مطلبي وغاية منايا من مقامك ننتظر
تقطف ارقاب ن تدلت من على اكتاف القساة
لين تخرس كل صوت ن في ثرى الاردن كفر
لين تقهر كل فاسق باع دينه واشتراه
والمشاعر ما تترجم للهواشم في شطر
حبكم واجب وسنة فرض من عند الاله
والجواهر والبلاغة والمعاني يا صقر
حتى اقلام المشاعر والمساطر والدواة
تنحني لك تنحني لك تنحني لك ع السطر
والحروف اللي بقصيدي تنحني لك من وراه
تنتظر منك الاشارة تنتظر منك الامر
ترمي اسهام الوغى ع ظهور وقلوب الجناة
والخفوق اللي بصدري حلله في مختبر
تلقى اسمك في كراة الدم والاردن معاه
تلقى اسمك ع العظم محفور في عظمي حفر
والنخاع اللي ابعظامي اردني في محتواه
دام قهوتنا يا سيدي مرة وشماغك حمر
حنا في ايدينك سيوف ارماح ع ارقاب الغزاه
لو تتأتأ بي لساني او تلعثم ما كسر
ما كسر بيت ن بنيته في مقامك مبتداه
مبتدأ حلو المعاني منتهاها والخبر
لنك الاربع فصول اللي تمر بهالحياة
لنك النار الحريق اللي على الظالم جمر
تحرق ايدين الغزاة وتشوي وجوه البغاة
لنك الظل الظليل اللي تظلل به كثر
ومن تظلل في ظلالك ما تظلل في سواه
يعني انت في وجود الاردني كل ما ذكر
يعني كل شي في وجود الاردن وطوق النجاة
واللي يزعل من كلامي في الكلام المختصر
بحرنا الميت قريب من الملح يروي ضماه
محمود الضوات
المفضلات