اسمعوا قصة وفاة العاشقين ... قصة اللي بالهوى خارت قواه
من تعلق بالهوى دايم حزين...تختلط دمعة عيونه في دماه
والصدى والصوت آهات وأنين...ازعج الجيران من شدة بكاه
جابوا الدكتور بالحكمه فطين...عل ربي يجعل بيده شفاه
ناظر الساعه ويده عالجبين...خايف(ن) يظطر يعلنها وفاه
حاير(ن) يتلفت(ي)شمال ويمين...وش يقول لشايب(ن) فوق العصاه
وش يقول لوالده تفقد ظنين...كيف ردة فعلها لا من نعاه
قال يالله العوض عالحاظرين...ورحم اللي ما عرف طعم الحياه .
المفضلات