[poem Font="simplified Arabic,6,orangered,bold,normal" Bkcolor="transparent" Bkimage="http://www.jo1jo.com/vb/images/toolbox/backgrounds/3.gif" Border="inset,10,silver" Type=1 Line=1 Align=center Use=ex Num="0,black"]
يا قمر تذكر ليامن جيت انا اسولف عليك=والله إني ما جنيت الربح من هرجي معاك
جيت لك والقلب ضامي احسب لروحي شريك=عاشقٍ يطلب حنانك مخلصٍ لك في هواك
كنت احبك واعشقك اهواك انا واموت فيك=واعشق الارض اللتي دومٍ تمر إبها خُطاك
كنت اشوفك جالسٍ ما غير اناظر واحتريك=لين ما تعلن رحيلك وأقترِب واجلس وراك
وأنشده يا كيف خلّي مير قلّي ارتجيك=وكني بالمقعد تكلم قال لي الله عطاك
وكنت اشوفك يوم تقبل سيدي لون المليك=عرشك القلب وتغلغل في حشا صدري غلاك
كنت لي فرحة زماني كنت أحسك وأنتشيك=وما عرفت الحزن إلا من سبب حزنٍ دهاك
كنت لي حلم الليالي به تجيني وبه اجيك=وأفرح بجنح الظلام وأنتظر لحظة لقاك
ليه تجزاني بصدك وانت تدري بي أبيك=واشتري من فيض دمي لو يبيعونه هناك
ما تبعت هروج واشين المحبه واشتريك=رغم طعناتٍ لفتني في ضميري من تلاك
ورحت تتبع قول من هو من جنى حقده يحيك=شرٍ أسود في خفوقه صار لك سبة عماك
كم ذبحت الغيظ بيدي وتذبح الحلم بيديك=وكم انا احيتت الموده عقب ما ارداها جفاك
كم سهرت ولا عثرت بدرب يوصلني إليك=جاهدت نفسي ضماها ما سقاها غزر ماك
كم صبرت وفي صلاتي اسال الله إيهديك=لين ما حان الفراق وفارقت شمسي سماك
يشهد الله شحت كفي مقصدي أدعي عليك=ولا دريت إلا دموعي تنسكب وأدعي عساك
يحفظك ربي وتهنا في محبة والديك=ويا عسا شيٍ لفاني في غرامك ما لفاك[/poem]
المفضلات