جيت أشتكيلك من عنا الوقت ابرتاح
لقيـت نفسـي أشتكـي مـن همومــــك
يــا عـونة الله مـا بقـى شـي ما راح
مــدري ألـوم الــوقـت والا ألـــومــك
جيتك وقلـت بعالـي الصوت يا صاح
بالله ساعدنـي تـرى اليـوم يومــــــــك
لا النفــس مرتاحه ولا القلـب مرتاح
حسيت نفسي واحد من خصومـــــك
اثريك صاحب بس في وقت الافراح
وبكل سهوله ترخص اللي يسومــــك
الله يعـيـــن القلـــب وشلــون يرتاح
زود على همومه تحمـل همومـــــــك
خالد المريخي
المفضلات