جتني رسالة من غلا القلب والعين
نسيت روحي من حلاها
رسالة شوق وحب وحنين
بالعطر كتبها وسقاها
السطور ورود والحروف رياحيين
وفيها ريحة القهوة بدلاها
رسالة طحنت ضلوعي مثل الطحين
الغلا بذرها والشوق رحاها
إنعجن دمه بقلبي كيف العجين
سكن بالعروق وبالهوى رعاها
غيبته يوم وفي حسبتي سنين
وكل همومي برسالته محاها
شوفوا السطور منه تاخذني لفين
صوب حبيب العين وسناها
من ياخذ مكانك يالغلا مين
وإنت منيتي اللي من الرب أترجاها
اشوف بالرسالة جبينك والخدين
وملامحك كل سطرن حواها
دفا السطور من اصابعك والكفين
بيها عبير الروح وهواها
ريحة المسك بالحروف والياسمين
فز قلبي من مطرحه وخذاها
أولها إحبك وتحلف مية يمين
برب الروح اللي احياها وسواها
وثانيها أشتاقلك شوق الملايين
ورب السما اللي رفعها وعلاها
وثالثها طيفك مايفارق الجفنين
واللي بسط الارض وطحاها
ورابعها أتخايلك صوبي وفي كل حين
واللي خلق الملا وبالروح عطاها
والخامسة صوتك يلازمني بالجد واللين
ورب العطاب واللي شفاها
والسادسة في نومي وصحوتي لي ما تتركين
ورب الشمس اللي ضواها
والسابعة عطرك اشمه نرجس ونسرين
وحق البرايا واللي رعاها
والثامنة احس بضلوعك والايدين
وروحك تحوفني بنارها ودفاها
والتاسعة اناظرك برسمك والرسم زين
واحسك مية الروح وظماها
رسالة غلا خذتني من الانين
يا روح الروح انت ويا روح مناها
من قريتها صرت مثل المجانين
خضرت روحي عقب يبوستها وفلاها
يا غلا القلب يا نظر العين
أحبك يا روح روحي ورجاها
من بوح قلبي وقلمي
اتمنى ان تنال اعجابكم
كل الحب
تحياتي المعطرة بعبق الياسمين
**************************************** **************************************** **************************************** ********
المفضلات