الحنيني
من الحلويات اللذيذة بالشتاء
معروفة بمنطقة نجد وبالقصيم تحديدا
المقادير
2 كاس طحين بر
فنجان زيت
شوي هيل*زنجبيل*دارسين*ليمون اسود*صفار الزعفران
وملعقه صغيره خميره*وفنجالين سكر *
4 كاس تمــر منزوع النوى
باكيت زبده افضل استخدام الاصبع 100 جم بس ما يكون صنع الدنيمارك
لتر حليب تقريبا
كأس ماء
طريقة القرصان ...
تخلط جميع المقاادير ماعدا الزبده والتمر بالخلاط او باليد حتى تكون عجينه لينة جدا((مثل عجينة البان كيك ))
فيه ناس يضيفون له بيضة وقليل من السكر
وهذا شكل العجينة
وبعدين غطيها وخليها ربع ساعه فيما تعبسين التمر {يعني تطلعين الفصم}تقريبا مقدار كاس وتحطين
عليه شوي مويه مغليه عشان يلين ويسهل عجنه
نسكب قليل من العجينه على الطاوة وفيها قليل من الزبده وبعد ما تستوي من تحت نقلبها مثل البان كيك أو البيض المطجن
وتسوين وحده وحده لين تنتهين منهم كلهم ولو تقطعت معاك عادي اساسا بتنفرم في الخلاط
وهذا شكله
ثم تحطين القرصان والتمر في الخلاط وعليهم شوي حليب عند الحاجه او تفرمينه بيدك ممكن او بمفرمة اللحم اذا عندك كله ممكن
طبعاً الحنيني يطلع نثري نوعاً ما .. مو متماسك
وحطيه في صينية بايركس ثم في الفرن على حرارة متوسطة .. لمدة ربع ساعة طبعا هاذي الصورة قبل لا ادخله الفرن بعد ما تطلعيه من الفرن يتغير لونه قليلا
ثم نقدمه بالصحه والعافيه وممكن نزينه بزبده حسب الرغبه
رد مع اقتباس
المشاركة الأصلية كتبت بواسطة رمز الوفاء
المفضلات