هذه القصيده لشاعر فيصل بن خلف بن هذال العتيبي
ليه الدموع وليه كثر الونيني
ليه الغضب ليه العتب والمشآريه
ليه الكلام الي يبيح كنيني
شي يزيد آلام الأيام مابيه
تكفين كفي دمعتك وأرحميني
قلبي من أسبابك يكفيه مافيه
يكفيني الي بثه البعد فيني
بين الرجا واليآس وقتي مقضيه
قلبي حزين وحسرتي تكتسيني
وش عاد باقي في يديني وأسويه
خليت لأجلك كل قاسي يليني
صادمت روس لأجلك الموت تشريه
وأن عاش راسي وأسعفتني سنيي
لأروي ضما قلبي بقربك وأهنيه
لو يزرعون الغام بينك وبيني
نذر علي لأمشي الدرب واطويه
وأشيل روحي فوق راحت يديني
وابيع عمري لأجل شوفتك وأصخيه
وأجيك لو دونك سياج.ن. متيني
دامك رجا قلب.ن. بعطفك غمرتيه
حبك زرعته وسط قلبي وعيني
وأسقيته بدمعي ودمي يغذيه
المفضلات