كثره اوجوه مرت وانه أعد أوجوه
وكثره الوان مرت وانه كلي أعيونياوجه الأعده يشيل((100))قناع
ويشيل القزح والقوس مدري أشلون
دورت اعله وجهي ومالكيته هناك
دورت اعله وجهك شفته اول لون
كلت الشال حمله وراح خله أيروح
وابقه اعله الامل وادري الامل مرهون
لان وكتك أعناد وفرهد التقويم
باك اسنين عمري بحجة المديون
لان وكنك تراده وبين التزييف
يستنسخ بشر بالاقنعه أيلوذون
أنه وياك خطوه بلا نهايه تسير
وانه اوياك غربه بلا كمر وضنون
دليني اعله دربك وانه امشي وياك
ومشيني اعله كيفك وانه الك ممنون
شرط تنزع قناعك من يجيك النوم
وشرط اتصير حنه وبيك يتحنون
حتى اتصير انه وانه اصيرن بيك
حتى اتصير ليلى وانه الك مجنون
دورتك وجه مابين هاي الناس
دورتك شمس تمطر شمس وعيون
لكيتك اقيود حولك والطبع حيطان
ومنفى الوان وجهك وانته بيه مسجون
يل كلك قناع ومات بيك أنسان
ويالكبرك خيالك وانته بيه مدفون
بقلمـــــــــــــــــــــــــــــــي
حـــــــــــــزن النـــــــــــــــــــــــــــــــوارس
المفضلات