خلَ الذي عن طاعة الله مشغلك !!
يالآدمي في سكة الذنب ما اجهلك
ياللي حملت عن الجبال الآمانة
ابليس بجنوده ليا من تورسلك
يهلك وتشوف القهر والإهانة
كم مرةٍ عن قمة المجد نزَلك
في لحظة ٍ طاوعت فيها هوانه
خَلاك تعصى اللي له العرش والملك
ياللي تقول انك تتوق إلجنانه
لازم يطابق ظاهر القول داخلك
والمرء كلمة تنكبه من لسانه
واعرف ترى لا اصبحت فالصبح: ( ممهلك )
ربٍ رحيم ومكتسيك امتنانه
اجعل نصب عينيك يالعابر : آجلك
من شان تاخذ حيطتك قبل آوانه
خلَ الذي عن طاعة الله مشغلك
ما ينفعك يوم الحشر والإدانة
ولا تنتظر لا ملت شخصٍ يعدَلك
كلٍ على ماقيل يسرج حصانه
لاشك به قومٍ على الخير تحملك
رفقة شرف ما خرَبتها الخيانة
بالنصح والإرشاد دايم تزاملك
ميانةٍ يا حيَها من ميانة
آخير من رفقة صحيبٍ يجاملك
لا اخطيت ما يخبرك : خبث ولعانة !!
وفي غيبتك مع طارف الحكي ياكلك
بلسانه اللي ما يجوَد عنانه
طبع الردي يفرح لكثرت مشاكلك
اعرض عنه لاهنت // خلَه وشانه
تبقى عزيز النَفس وايصير منزلك
في عين الآعدا عالي ولك مكانة
وخلَك مثل بحرٍ حمل جاري الفلك
سرَه عميق ويرهبك بهيجانه
والجود صفق الموج باخرك واولك
واتشوفك العالم وسيع البطانة
واعرف ترا كلمتك دايم تمثلك
جود خطام القول // واحكم بيانه
اقبل كلام اللي على الطيب راسلك
عابر سبيل ومغترب في زمانه
رد مع اقتباس
المشاركة الأصلية كتبت بواسطة زهر الربيع
المفضلات