تشـــاورنا على الفي البعيد وقلت ويش الراي ..........وتهادت في عيونك ضحكة مانيب ناسيها
نحيل طــــاولته جبال همه وانتخى فــيـــهــا..........انا اشهد يالعيون المرجهنه غير اجيك اقصاي
علـى فـال الهـــــــبوب وكل ذعذاع يغـنـــيــها..........انا اشهد لا اقطفك ورد وقصايد وانثرك بغناي
وانا اعرف منهي اللي تقتل اشعاري وتـحييها..........انا اعرف كيف ينساق البحر كله لبحــة نـــاي
وربــــك ماتخون القوس هقوة كف باريـــها..........إذا ما ارضـــي غرورك لا كتبتك تنكسر يمنــاي
واضـــــم الصدفه اللي جمعتنا حيل واغـليها..........ياليتك تشعلي صمت الدروب وتشعلين خطاي
واصيـــــر الغيمه اللي كنت بكفوفك مخـبيها..........ياليتك تسكبيني كل ما ضما في كفوفك مــاي
واجرب كيف اموت بضحكتك واحيا بتـاليها..........واهلي بــالنهار اللي لفا بك والنهار الـــجـــاي
وانا قلــــبي تخونــــه هيبة الجيّه وطـــــــاريها..........يا ملحك في حشاي وبالعيون وبارتجاف شفاي
دريــــت اني رهينك ياعيون ٍ عـز والـــــيــها..........أنا ســيّـــد هواك وقلت مره للهدب مـــــــولاي
حلال إن غـــــربــتي ضحكة مانيــب ناســيـهـا..........وطن عمري عيونك ديرتي ربعي هلي منــفاي
المفضلات