سلمني العهده و جب قلب قد جاك
من غير توقيعٍ و لا ختم و إيعاز
و لا عاد وسط الحلم دوم اترجاك
ولا أقول انّي لشوفتك معتاز
و أصك باب الحرف من عقب ناجاك
يكفيني ما خطيته ابداع و إنجاز
و لا عاد أجي طالب فطين أتهجاك
و أقول ساقط وين ووين ممتاز
و لا عاد أفك ستارك و اربط حجاك
و عن درب عمرك أبعد بعيد و أنحاز
هذا وحيد الحل و فيه منجاك
قلته على كثر الوجع لك بإيجاز
سلمني العهده و جب قلب قد جاك
عساني لصدمة محبتك أجتاز
المفضلات