على نار هادية
تحسبين انك على نار هاديه لعبتيها ؟
ما دريتي انك بعد كل هذا خسرتينى
ليمات القلب تبقى ذكرى وين ونديها
ذكرى لو غدا الشوف والله ما نسيتينى
حرام والله الغرام كان لعبه بيديها
والى جرحني أكيد إن الزمن بيشفينى
لانتى أول ولا آخر دنيا قلبي ينهيها
بعدك صغيرة عاللعب توك ما تعرفيني
لا تحسبي الذكرى بقلبك قلبي يطريها
تراها صفحه طواها قلبي من سنينى
أمانه حملك ربى وأنت بالحيل خنتيها
تحسبين الله يخليك لا منك ظلمتينى
بداياتي معاك حلوة لكنك خربتيها
هدمتي كل لحظه حب كانت تكبر بعيني
نسيتى وش كثر تخطين وكم زلة أعديها
لأجل الحب والعشرة وشى بينك وبيني
حسافه يا سنين العمر ضاعت وين ألاقيها
ولا باقي أمل واحد فى هالدنيا يعزيني
حياة محتواها الزيف أنا وشلون أجاريها
أنا وش ذنبي أن كان ألوفا شي خلق فيني
غريبة دنيتي احترت مدري ايش اسميها
أنا اطلب منها الراحة وهى بالحيل تشقيني
على الله اشتكى دنياي وايامى ومافيها
وثبت وجهتي يا رب لين القي عناويني
تبين اقلب على احبابى وكل دنيا كرهتيها
والله النفس تمنعني حتى لو سحرتينى
علاقة حسها خداع وعدني الصبر يمحيها
دفعت أحسابها امرار ليت الدرس يكفيني
روح شاعر
المفضلات