يادار ترفين الصبـا وين خلــي
وين الغضي يادار خلي وشوقي
دار بها الأرام ترتــع بفلــــي
مربى الوضيحي الي جماله يشوقي
يلي عليه الدمع مايضمحلــــي
همال عالوجنات ذارف دفوقـي
باهي المحيا الي حديثه يسلي
أهواه لو تزعل جميع الخلوقي
ياطير ود العلم عني وفلــــي
ود الخبر لديار حلون الصدوقي
لآ عسس الليل بظلامه وحلــي
جد السفر من قبل طلع الشروقي
لديارهم ياطير شل المثلــي
من خاطري لصويحبي ومعشوقي
قل له تراني في الهوى مستعلي
وأن طالت الأيام يزداد عوقــي
أود شوفك يالغضي لو حصل لي
وأقدم تحيات من قلب(ن) شفوقي
وسامرك يوم الخوالي ذهلي
وتبادل وياكــم عهود الوثوقي
يوم القمر نوره علينا يطلــــي
والنوم ذالت به جميع الخلوقي
والكــوس نسماته نسيم يسلي
يسلى به القلب الصويب الشفوقي
أرفق بحال في الهوى مستذلي
سنتين وأربع للكرى مايذوقي
أفضيت لك من وجد جاشي مثلي
قولن غزير عالغشيم الطفوقي
شعري وفيكم مفرداته زهن لي
وأهديه رغم أهل الحسد والحموقي
تمت عدد ماهب شرت مطلــــي
وأرتاح له بال وليع خفوقـــي
يادار ترفين الصبـا وين خلــي
وين الغضي يادار خلي وشوقي
رد مع اقتباس
المفضلات