تمهل قبل لا ترحل و خذ معك السهر يآ صآح
و نوح مآ طوى ياسي وقصيد مله الدفتر
عسآي ليا ابتعد زولك أطيب وخآطري يرتآح
و أقول ان الزمن وفى ولو ان الزمن قصر
تعبت أضحك على نفسي وأقول الهم عني زاح
و تعبت ابحث عن الحلم الكبير اللي بك تكسر
و تعبت أداري احسآسك و ظلمك دآخلي يجتآح
سلب ابسط طموحاتي و أقول تهون وأتصبر
ولكن ما نفع صبري وحظي لو رفعته طاح
و عرفت انك نهآية حب ودرب للشقى أغبر
و عرفت انك ليا منك خطيت تطري المروآح
وخطاي اني ليا منك خطيت اجيك واتعذر
افآ والله حبيبي ما هقيتك تنكر اللي راح
ولا ظنيت في لحظه يجي لك يوم و تتنكر
حسبتك ليا ارتطم موج الفراق و ضيع الملاح
تكون بعينه المرسى ولكن كنت تتكبر
حسافه يا السنين اللي قضيناها حزن و أفراح
ابد ما مرت ببالك ولا حبيت تتذكر
واذا هذي نهايتنا ابشعل للجفآ مصبآح
و ببقى الشآمخ اللي ما نكر ذاته ولا تغير
و لكن قبل لا ترحل اخذ معك السهر يآ صآح
و نوح مآ طوى ياسي وقصيد مله الدفتر
هذي القصيده من اجمل ما كتب الشاعر فيصل العدواني
ارجو ان تنال اعجابكم
وسلامتكم
اخوكم زمان الصمت
المفضلات