ياعمري الدنيا ماتسوى تنام وخاطرك زعلان
ولا به شي يستاهل يخلي قلبك يعاني
طلبتك كان لي خاطر تبعد عن الأحزان
فديت عيونك الحلوه تبسم لو عشاني
حبيبي صآر لي مده أشوفك تايه وحيران
وانا والله لاشفتك حزين تزود أحزاني
انا احبك ولا ودي تعيش بدنيتك ندمان
ترى الأيام محسوبه وتالي ذالعمر فاني
تصدق بسمتك والله تفرح خاطري الولهان
يطير من الفرح قلبي واصير بعالم ثاني
ولا من شفتك بضيقه أحس اني انا الغلطآن
أعاتب نفسي بنفسي ولو ماكنت انا الجاني
غلاك بداخل عروقي ولا يوصل غلاك انسان
يمر الوقت ويثبت لك ان الله أحياني
بضحي بعمري لعيونك تنام أنت وأنا سهران
ونادي جروحك لقلبي وتجي واحد ورى الثاني
الشاعر/ فيصل اليامي
المفضلات