((حـكَم الَهــوَى))
يا صاح لا تزعل لمقسوم لأقـدار
وأصبر على وقت تزايـد بشـره
حكم الهوى ظالم وقاسـي وجبـار
ولا يعرف العشق طبـع المبـره
كم عايش يصلى من الحب بالنـار
ولي زمانه وأنكـوى بـه وحـره
ماضيه صار بتالي العمر تذكـار
من شين حظه زايف الوقت غـره
عقب الصبر عقب الليالي ولأخطار
والتضحية لأجل الهوي لو تشـره
عقب المودة عقب محفوظ لأسرار
والموعد اللـي كـل يـوم يمـره
تبدلت ذيك الليالي فـي الأسحـار
وأخفت قمرها وأنطفى من مقـره
والحب ماكنـه تكـون ولا صـار
ما بقي في قيمتـه لـو وزن ذره
سقاه وقته بعـد حاليـه لأمـرار
شال الهموم وكايد الحمـل ضـره
وجوه غدا صفوه هواعج وغبـار
وتغيرت وجهـات بحـره وبـره
واليوم خذ ياصاحبي قاف لأشعار
من صادقٍ جرب مع الوقت مـره
الحب فرصه عمر والوقـت دوار
ماعمرهـا دامـت ولا مستمـره
معلومةٍ خذها ترى الحـب جـوار
مافيه شخص شاف فيـه المسـره
المفضلات