فدوى لعيونك
فدوى لعيونك يا بعد كل مغليـــــــــــــك
ترخص عروق الـــــــــدم واغـــــلا الدراير
ولو قلت هات الروح الروح تاتيـــــــــــــــــك
تكفخ كما حر ن على الهــــد غـــــــــاير
آمر تدلل كيف مــــــــــاتريد اعطيـــــــــــك
ابيع عمري ومـــــــــــا يهـــــــم الخساير
ولو شفت قلبي بيوم حـــــــــاول يجافيـــــــك
للعــــن ابو امـــــه واخليــــــــه باير
واضرب علــــــى طولــــــــه برجليني بريك
خله يموت يمــــــوت مــــــــا اريد خاير
بس ادري انه لــــــــــو قسى ما يعـــــاديك
لنك عديل الروح والـــــــــــدم صــــــــاير
وانا بدونـــــــك حــــــــــــالتي للمهــــــاليك
والهـــــم مـــــــن بيـــــن المعـــاليق غاير
واللي خلق فيك الحلا شــيك في شيــــــك
تدور من عقبـــــــــك علــــــــي الدواير
تدور وانا ادور وتدور بي هيــــــــــــــــــك
كني انا والكون صرنـــــــــــــــا ضراير
تخنقني العــــــــــــــبرة إذا مر طاريــــــك
والقلب يا قلـــبي مــــــــــن سنين حاير
داير يدور عنك عن كـــــــــــــل ما فيك
والشوق في صدري من الصــــــــــد جاير
ابكي ودمع العين فيــــــني يناديـــــــك
وين انت قل لي يـــــا هوى البــــال ساير
وين انت ساكن وين صارت أراضيك
يا الله عســـــــــاك بخير يــا ابن العشاير
إن كان وضعـــي اليوم بالحيل يرضيك
دونـــــك جروحي فك عنهـــــــــا الزرلير
فـــك الخيوط اللي على جروح مغليك
الدم من تحت المجــــاريح فـــــــــــــاير
يكفيك صد وبعد يا صاح يكفيــــــــك
تعــــــــــــال رد الروح زف البشــــــــاير .
محمود الضوووووووووووواااااااااات
المفضلات