هذه القصيدة بالذات انصح ان يطلع عليها كل رب اسرة وله والدان على قيد الحياة
لما فيها من عبر ... ودروس
قصيدة لجحيش بن مهاوش السرحاني بعد ما عقه عياله وتركوه يلاقي الموت لوحده
قال الذي يقرا بليا مكاتيب
ياللي تقرّون العمى من عناكم
ياعيال ياللي تشرفون المراقيب
تريّضوا لي واقصروا من خطاكم
خوذوا كلام جحيش ما به تكاذيب
مثل السند مضمون للي وراكم
يعيال وان صرتوا ضيوف أو معازيب
ترا الكلام الزين ملحة قراكم
وتر البلا سة من كبار العذاريب
تر البلاسة ما تطوّل لحاكم
يصير بعيون الخلايق تقل شيب
ليا منّه اقبل قيل هذا بلاكم
المذهب المذهب ترا المذهب الطيب
وترى ردا المذهب يبوّر نساكم
يعيال ما سرّحتكم للمعازيب
يعيال ما عمر المعزّب ولاكم
يعيال ما ضربتكم بالمشاعيب
ولا سمعوا الجيران لجّة بكاكم
ياما تمسعرت الخلايق تقل ذيب
أخاف لا يقصر عليكم عشاكم
احفيت رجليني بحام اللواهيب
وخلّيت لحم الريم يخالط عشاكم
واليوم شوفوا لحيتي كلّها شيب
وشوفوا محل تخوضعي في ذراكم
قمت أتركا فوق عوج المصاليب
وقصرت خطايه يوم طالت خطاكم
يعيال يعيالي عليكم مطاليب
ردوا لي السلفه جزا ما وتاكم
خوالكم يعيال هم ماكر الطيب
يعيال مدري ها الردى منين جاكم
ياعيال ياعيال الخنا كلّكم عيب
ياللي على الوالد كثير ٍ لغاكم
قصّيتكم واسندت وادي سلاحيب
ولقيت بالصبخا مدافيق ماكم
ياعيال بعتوني بصفر العراقيب
ما هي بريره سوّد الله قراكم
لابد ما هو عاويٍ دوني الذيب
بالقبر مافرق طيبكم من رداكم
ملاحظة ( اذا في احد مش فاهم مصطلح معين تكتبه ونترجمه لك ان شاء الله ههه )
المفضلات