جفت عروق قلبي والراس منداش
والحال حال اللي من الناس درويش
من هوى ريمن مرتعه بر ودشاش
بنظره خذى قلبي ولا قلت له ليش
وجدي عليها وجد ذودن عطاش
العد يابس يوم وردت معاطيش
ولا كما وجد طيرآ بالجو طشاش
تكسر جناحه وأصبح ينفض الريش
أمشي خلا واقول لناس طراش
ولالي غير ديار خلي مطاريش
يا عل طور دبشهم فيه ينحاش
يجيه من وبل الثريا رشاريش
الجاش مشتب واللهب للحشا حاش
والشوق الأقشر نبش القلب تنبيش
لاشفت لي صاحب ولاشفت مطراش
هو ليه يالغالي تشح المطاريش
شوفك شفا يشفي جروحن بلا شاش
وشوقك شقا يشقي كبودن معاطيش
المفضلات