ياظالمة
ياظالمه زينك بشين السوايــــــا
من وين لك قلب على طول جاير
ماابغى الدوا لاصار جرحك دوايا
باكر على الظالم تدور الدوايــر
اخر علاجي الكي وانت الكوايــا
للحب عبره وأنت قربك عبايـــر
لو هو على زينك بنلقى صبايـــا
المشكله بالحب تعمى البصايــر
الصبح واضح والخطايا خطايــــا
والربح من بعض الاوادم خسايـر
يانفس قومي عن غرام البقايــا
وياقلب قبل تحب شاور وخايــر
أولاد ناس ولا نحب الوصايــــــــا
كلن يرى نفسه يعادل عشـــاير
ماكل قلب ينشرى بالهدايـــــــا
ولاكل كسر تفيد فيه الجبايـــــر
المعطي الله ما لخلقه عطايــــــا
لو هي على خلقه سقتنا المرايـر
عزاي رب يعطي حسب النوايــا
يرحم عزيزين الذمم والضمايــــــر
ناس تدس الهم بين الحنايـــــــــا
وناس وربي مادرت ويش صايـــر
هذاك حظه مثل بيض الثنايــــــا
وهذاك حظه مثل سود الظفــــاير
رد مع اقتباس
المفضلات