هذي القصيده لشاعر ممدوح البدراني الحربي وهي على ابياتها حسب الأحرف الأبجديه حبيت أنقلها وأتمنى ان تنال أعجاب ذواقين الشعر النبطي :
( أ) القلب ملجا للهموم العظايم
ساجن وداجن بالحشا وأعمدنه
(ب) بدن علي السر والجو غايم
وليه بتال الليل سر أعلننه
(ت) تواردن أفكار فكري ولايم
ويش السبب بجروح قلبي خذنه
(ث) ثارن علي وقلت يالله يادايم
عني على همن ضلوعي شكنه
(ج) جاهل ولا أدري بالسبب ومتشايم
الا بعد حولن بصدري قضنه
(ح) حالي كما عودآ شوته السمايم
قفا خضاره والهبايب شونه
(خ) خليت دياره بعد عرقه تلايم
ودون الثرى قصرت عروقن غذنه
(د) داره سنة والطير بالجو حايم
غادر بعد سود الليالي جفنه
(ذ) ذي حالتي وانا شديد العزايم
على وليف قربه اليوم جنه
(ر) ربع سنه مع ثلث ذب الخرايم
شد الرحايل وخليت الدار منه
(ز) زادي غلاه وعن هوى الغير صايم
ولقياه عندي فرض ماهو بسنه
(س) ساس الهوى بالروح مبني وقايم
وصدوف القدر من نسجهنه بننه
(ش) شعري بدعته فيه والقلب هايم
لكن قلبه صار مابه محنه
(ص) صد وفعلي من صدوده جرايم
جرم الفراق المر بالقلب كنه
(ض) ضنيت انه مع نسيم النسايم
يرسل سلامه والعواذل مجنه
(ط) طالبت في وصله وسقت الأزايم
ولكن غدى ماكنت والله باضنه
(ظ) ظافن غلاه بوسط دمي وعآيم
يجري مجاري الدم ويسد عنه
(ع) عليه ما اسمع عاذلي والوهايم
لين انحمس قلبي حمس بنه
(غ) غالي ويلفيني لصرت نايم
ياما حلوم الليالي لي قربنه
(ف) فهمت ان البعد للعشاق ضايم
وان التمني مانفع من تمنه
(ق) قسوة جحيم البعد ويا النمايم
تنبت بقلب الشخص كره ومحنه
(ك) كرهن لمن هو صار عذله شتايم
وتحن للي صار وقته يسنه
(ل) لو كان لو تفيد يا أهل العمايم
قلت المثل صادق ويزين فنه
(م) من طول الغيبات جاب الغنايم
مير المثل بعض الحكم ينقصنه
(ن) ندري بأن الوقت كسب وهزايم
ولا كل غايب جاب كسبن يعنه
(هـ) هذي بيوتي والمعاني ردايم
في وسطها مثل الجموع المرنه
(و) وأرجو السموحه يالعقول الفهايم
طاروقي بدعته والأذان اسمعنه
(ي) ياما على الرجاجيل تاتي ضلايم
وياما عزومه بالزمن يظهرنه
المفضلات