[fot1[fot1]]شفتك وانا مشتاق ولهان ملهوف
مسميّات شعور قلبي عديده !
عيت عيونك ترحم الحال وتروف !
وعيّت تجي وياي " جملة مفيدة "
جمّعت من كلماتك العذبه حروف
وركّبتها صارت قصيدة جديدة
سولف وانا بسولف وسولف وشوف
بكتب سواليفك قصيدة قصيدة !
خلك مابين العين والعقل والجوف
عينك تهيّضني وصوتك نشيده
وإقعد .. واحاسيسي حوالينك وقوف
وإن قلت لك موضوع بقول : عيده
ولا إتحلف ماشوفك بحاجة .. حلوف
الكذب ما والله اخبرك تجيده
لا تلحقك شكه ولا يسكنك خوف
ولا تحرككّ الرياح الشديده
وش فيك ضايق والسبب كله ظروف !
نريد .. ! والله يفعل اللي يريده
ما كل من يبعد عن السمع والشوف
ينقص غلا بالعكس ! يمكن يزيده
إي والله آحبك وبآحبك / وشوف !
أبقى معك والضيق بفكّ قيدة !
مشكور كانك فيّ سويت معروف
هيّضتني وحروفي المستفيدة..
[/fot1]
[/fot1]
المفضلات