الرجل هذا الكائن البسيط الجميل الذي يكدح من بداية عمره ويكدح ثم يكدح الى ان اصبح يصاب بالصلع وهو في سن الطفولة
هذا الظلم الواقع على الرجل لم ولن ينتهي ( لكنه صابر دائما ) وسوف ينقرض هذا الكائن بسبب هذا الظلم
وهنا اعرض عليكم بعض صور الظلم للرجل في المجتمع ( هي مكتوبة باللهجة المصرية وانا تركتها هكذا ولم احاول تغييرها حتى لاتفقد متعتها لكني عدلت بعض الكلمات الصعبة فهمها لمن لم بعيش في مصر )
هذه هي صور الظلم
- البنت تتكلم براحتها في التليفون وابوها او جوزها اللي هيدفع
الفاتوره ولو مش معاه فلوس ان شاء الله يسرق او يختلس
- البنت مش ملزمه تجهز نفسها ابوها او خطيبها اللي هيدفعو دم قلبهم واتفرج على التحكم
الاوضه دى خشبها مش كويس الكنبة دي مش عجبانى انا عاوزه
سرير اطول من ده قال يعنى هتتجوز تريبل اتش المصارع
- لو واحده عملت مخالفه مرور تتمسكن شويه للظابط وهو يعديها لو راجل
من قبل ما يتكلم تلاقى الظابط يقوله : اركن على جنب ياروح امك يا بن الـــــــــــــــــــــــ
-البنت مش ملزمه تدفع ضرايب ابوها او جوزها بيدفعوها وهيه ولا فى الدماغ
امال الرجاله بيجيلها شلل من شويه ??
لو واحده متاخره علي المحاضره ممكن تبص للدكتور وتقوله سورى يا دكتور يروح مدخلها
لو ولد اتاخر وقال للدكتور انا اسف بس والله المواصلات كانت صعبه والعربيه اللى كنت فيها عملت حادثه اتفرج بقى يقوله لاهو انت فاكر الكلام ده هايمشي عليا
تلاقيك كنت سهران مع الشله الفسدانه لنص الليل انت متحضرليش محاضرات تانيه اطلع بره فى مكان فى الكافيتريا للى زيك يا فاشل
لو بنت فى وسط المحاضره عطشت وحبت تشترى عصير تقوله يادكتور من فضلك عايزه اخرج يقولها ليه تقوله عندى ظروف ( تلاقى الباب اتفتح فى ثوانى ) وقالها : اتفضلى من غير ما يسأل ايه الظروف دى
لو ولد جاله تليفون فى وسط المحاضره بيقوله تعال بسرعه ابوك مات يجرى وهو يبكي : يا دكتور انا لازم اخرج دلوقت
الدكتور يقوله : ليه هيه جامعه ابوك ارجع مكانك اترزع يقوله : يا دكتور بابا مات لازم اخرج
الدكتور يقوله مش مهم تحضر الدفن ....كفايه تحضر العزاء ارجع مكانك ياااااااد
- لو فى الامتحانات والبنت حاولت تفكر انها تغش الف مين عاوز يساعد وتلاقى الولد يرفعلها كراسه الاجابه وبعدماتخلص يقولها حاجه تانى يا آنسه
لو ولد بقى فكر انه يغش تلاقى اللى جنبه ( بيطالع فيه ) كانه ياعينى قاتل ابوه ولو حاول يبص على ورقه اللى جنبه تلاقى اللى جنبه اتلفت على الورقه زى الثعبان عشان ميشوفش حاجه ويبقى شعاره الغش حرام ومن غشنا فليس منا وفى الاخر يقولك البنات بتنجح اكتر من الولاد
لو راكب اتوبيس وبنت دخلت وملقيتش مكان اتفرج على اللى هيحصل يا سلام عصر صلاح الدين الايوبى يرجع وكل واحد يعمل فيها ابو عرام والفارس النبيل والشهامه تبقى البنت مش عارفه تروح فين واتفضلى يا آنسه والتانى يقوله والله ماهى قاعده الا هنا هو ينفع انتى تقفى واحنا قاعدين امال فين الشهامه والمرؤه
لو راجل دخل لو حتى مريض وعجوز ومش قادر ياسلام عصر جنكيز خان يرجع والتكشيره تترسم على وشوشهم
وتلاقى كل الركاب يبصوا من الشباك اللى بيشم شويه هواء واللى بيتفرج على المحلات عشان عينيهم متجيش فى عين الراجل اللى ياعينى رجله اتخدلت من الوقفه وقرب يعيط
لو بنت سقطت آخر السنه وعيطت شويه معلش يا حبيتبى خيرها فى غيرها والسنه الجايه شدى حيلك
لو ولد سقط ياخرابى يالهوى يا خساره تعبى فيك انت اصلا ملكش تعليم انت فاشل
انت من بكره تنزل تشتغل مع الاسطى دقدق الميكانيكى انت خساره فيك اللقمه ياكلب ؟؟؟؟؟؟؟؟؟
لو حرامى نط على البيت الاب والام يجروا يتطمنوا على البنات ومتتخضيش ياحبيبتى ده خلاص سرق البيت ومشى
البنت بقى تقول يا مامى معقوله حرامى فى بيتنا انا منهاره جيبو لي ليمون اعصابى مش قادرة
لو حرامى نط على نفس البيت الاب بقى يشتغل على الصبيان امال البيت مكانش فيه رجاله ولا ايه ده مش
عامل اعتبار لحد (ماهو لو عارف ان البيت فيه رجاله مكانش عملها لكن انا مخلف شويه خرفان؟؟؟؟؟؟)
ههههههههههههههههههههه
المفضلات