يابحـر ابسألـك ليـش أمواجـك الليلـة تعانـي
أنت مثلي يا بحر قبل أمـس فاقـد لـك حبيبـه؟
انت متضايـق عشانـك ولا متضايـق عشانـي
اسألك بالله قلـي يـا بحـر ايـش المصيبـة ؟
ولا اقول أسكت وأنا بحكي عن اللي لـك خذانـي
ببتدي معـك الكـلام وكـل مـا عنـدي بجيبـه
تذكـر اللـي لا لفتنـي بشـر القلـب المعانـي
تذكر اللـي كلهـا حـب وغـرام ونهـر طيبـة
تذكر اللي صوتها تشتـاق لـه حتـى الموانـي
كـل مينـاء يسـأل الثانـي إذا طـوّل مغيـبـه
تذكر اللي فـي كفوفـي تشعـل الدنيـا امانـي
تذكر اللـي نورهـا سـود الليالـي تقتـدي بـه
تذكر اللـي سلهمتهـا تقلـب الساعـة ثوانـي
تذكر اللي عطرهـا حتـى طيـورك تحتفـي بـه
تذكـر اللـي علمتنـي كيـف اروّض هالمعانـي
كل ما مرت عليّـه رحـت للشعـر انتخـي بـه
تذكر اللي كـل صبـح تمرنـي باحلـى تهانـي
صار كل العمر عيد وصارت اقـرب مـن قريبـة
قبل يومين اتركتني ورحلت مـع شخـص ثانـي
شخص ما كانت تحبه بس ما ادري وش تبي به ؟
أدري اني مـن سببهـا كاسـرٍ خاطـر زمانـي
وادري اني اول انسان إنكسـر خاطـر نصيبـه
وأدري أن ربي اخذ مني مثل مـا هـو عطانـي
وادري ان الغالية راحت رضى ماهـي غصيبـة
بس اقول الله كريـم وعمـر كـل النـاس فانـي
والمكان اللي خلا مـن زولهـا وش ينبغـي بـه
مدخلـك بالله قلـي حـط نفسـك فـي مكـانـي
وش تسوي يا بحر لا صرت فاقـد لـك حبيبـه؟؟
المفضلات